✒️अनिल साळवे(गंगाखेड प्रतिनिधी)
गंगाखेड(दि.14जानेवारी):- भोलारामजी कांकरिया बहुउद्देशीय चैरिटेबल ट्रस्ट गंगाखेड़ ने आपली सामाजिक बांधिलकी पुन्हा सिद्ध केली आहे. संक्रांतीच्या शुभ प्रसंगी ट्रस्टने झोपडपट्टी परिसरातील गरजूंना उबदार ब्लँकेट वाटप करून त्यांच्या चेहऱ्यावर आनंद फुलवला. या उपक्रमाने ट्रस्टच्या मानवतेच्या सेवेला एक नवीन उंची मिळाली आहे.
सामाजिक बांधिलकीची परंपरा,कांकरिया ट्रस्ट नेहमीच समाजातील दुर्बल घटकांसाठी कार्यरत राहिली आहे. हिवाळ्याच्या कडाक्याच्या थंडीत गरजूंना उबदारतेची आवश्यकता लक्षात घेऊन ट्रस्टने एकूण १०० ब्लँकेट्सचे वाटप केले.झोपडपट्टी परिसरातील महिलांनी मोठ्या संख्येने सहभाग घेतला. ब्लँकेट्स वाटपाबरोबरच, ट्रस्टच्या वतीने तिळगूळ वाटप करत “गोड बोला, गोड वागा”हा संदेश दिला गेला.
(BKBC) कांकरिया ट्रस्टच्या सचिव सौ.मंजूताई दर्डा यांच्या नेतृत्वाखाली हा उपक्रम राबवला गेला. त्या म्हणाल्या, “गरजूंच्या सेवेसाठी आम्ही नेहमी तत्पर आहोत.” मानवतेच्या सेवेसाठी काम करणे हीच आमची प्राथमिकता आहे. समाजातील दुर्बल घटकांना मदत करताना जो आनंद मिळतो, तो अतुलनीय आहे.”
कांकरिया ट्रस्ट अनेक वर्षांपासून समाजसेवेत आपले योगदान देत आहे.गरजूंसाठी अन्नदान, शैक्षणिक साहित्य वितरण,आरोग्य शिबिरे, आणि इतर अनेक उपक्रम ट्रस्टने राबवले आहेत. हिवाळ्यातील ब्लँकेट वाटप उपक्रम ट्रस्टच्या सतत सुरू असलेल्या सेवाभावी कार्याचा एक भाग आहे.
ट्रस्टचे सदस्य आणि स्वयंसेवक या कार्यात सक्रिय सहभागी झाले.झोपडपट्टीतील गरजू लोकांनी ट्रस्टच्या या उपक्रमाचे कौतुक केले आणि त्यांचे आभार मानले.कांकरिया ट्रस्टने या उपक्रमाद्वारे केवळ गरजूंचे जीवन सुखकर केले नाही, तर समाजातील इतर लोकांनाही समाजसेवेसाठी प्रेरित केले आहे.
कांकरिया ट्रस्ट भविष्यातही अशाच प्रकारचे उपक्रम राबवत समाजातील गरजूंना आधार देण्याचा संकल्प सोडते. *“मानवतेची सेवा हीच खरी पूजा आहे,” या विचाराने प्रेरित होऊन ट्रस्टने वंचित लोकांना मदत करण्याचे कार्य सातत्याने सुरू ठेवले आहे.या मधे ट्रस्ट च्या सौ.मंजूताई दर्डा, डॉ. प्रीती छल्लानी,पूजा दर्डा,सिद्धार्थ दर्डा, ऋषभ दर्डा, अमर करंडे आदी नी आपला सहभाग नोंदवला.
