✒️ सिध्दार्थ दिवेकर (यवतमाळ जिल्हा प्रतिनिधी) मो.9823995466
उमरखेड (दि. 26 जून) ढाणकी पासून जवळच असलेल्या सावळेश्वर येथील पैनगंगा नदीवर दोन मुली धुणे धुण्यासाठी गेलेल्या असताना अचानक तोल जाऊन त्या पाण्यात बुडाल्या आणि त्यांचा दुर्दैवी मृत्यू झाला.
त्यांना वाचवण्यासाठी जवळच असलेल्या दोन मुलांनी पाण्यात उडी घेतली मात्र त्या दोन मुलींना वाचवण्यात त्यांना यश आले नाही.
ही घटना आज दिनांक 26 जून रोजी 12 वाजता घडली. त्या दोघांपैकी एक मुलगा पाण्यात बुडाला.
सविस्तर वृत्त असे की, सावळेश्वर येथे मामाच्या घरी आलेल्या कावेरी गौतम मुनेश्वर, वय पंधरा वर्ष ही मुलगी, आपली मैत्रीण अवंतिका राहुल पाटील, वय 14 वर्ष, हिच्यासोबत धुणे धुण्यासाठी नदीवर गेल्या होत्या. धुणे धुतल्या नंतर दोघी आंघोळी करता नदीपात्रात उतरल्या असता पाण्याचा अंदाज न आल्याने त्या बुडू लागल्या. त्यांचा आरडाओरडा ऐकून बाजूलाच नदीकाठी असलेले चेतन देवानंद काळबांडे, राहणार सावळेश्वर वय सोळा वर्ष, व शुभम सिद्धार्थ काळबांडे, वय 22 वर्ष, हे दोघे मदतीसाठी धावले. मात्र घाबरलेल्या कावेरी आणि अवंतिकाने वाचवण्यासाठी आलेल्या चेतन याला घट्ट पकडल्याने चेतन सुद्धा पाण्यात बुडू लागला तर शुभम यामधून वाचला. घटनेची माहिती गावामध्ये कळताच गावकऱ्यांनी नदीपात्राकडे धाव घेतली. यात गावकऱ्यांनी शुभम याला वाचवले मात्र त्या तिघांना वाचवण्यात गावकऱ्यांना यश आले नाही. चौघांना नदीतून बाहेर काढल्या नंतर प्राथमिक आरोग्य केंद्र ढाणकी येथे आणले असता डॉक्टरांनी कावेरी, अवंतिका आणि चेतन यास मृत घोषित केले. या घटनेमुळे सावळेश्वर गावामध्ये शोककळा पसरली आहे.
चेतन देवानंद काळबांडे यांच्या वडिलांचा सुद्धा काही दिवसापूर्वी साप चावल्याने दुर्दैवी मृत्यू झाला होता. तेव्हापासून चेतनची आई कविता ही चेतन सोबत राहत होती. आज चेतनच्या अशा अचानक मृत्यूने कविताबाई ही एकाकी पडली असून शासनाने तिला योग्य ती मदत करावी अशी मागणी गावकरी करत आहेत.
आजची घटना मन हेलावून टाकणारी आहे. सावळेश्वर येथील पैनगंगा नदीत, धुणे धुण्यासाठी गेलेल्या दोन निष्पाप मुलींचा आणि त्यांना वाचवण्याचा प्रयत्न करणाऱ्या तरुणाचा दुर्दैवी मृत्यू झाला आहे.
कावेरी गौतम मुनेश्वर आणि अवंतिका राहुल पाटील, वय अनुक्रमे 15 आणि 14 वर्ष, या दोन मैत्रिणी नदीत धुणे धुण्यासाठी गेल्या होत्या. धुणे झाल्यावर आंघोळीसाठी त्या नदीत उतरल्या, पण पाण्याचा अंदाज न आल्याने त्या बुडू लागल्या.
त्यांचा आरडाओरडा ऐकून जवळच असलेले चेतन देवानंद काळबांडे, वय 16 वर्ष, आणि शुभम सिद्धार्थ काळबांडे, वय 22 वर्ष, हे दोघे धावून आले. मात्र, घाबरलेल्या मुलींनी चेतनला घट्ट पकडल्याने तोही पाण्यात बुडू लागला. शुभमला मात्र वाचवता आले.
घटनेची माहिती मिळताच गावकऱ्यांनी नदीकडे धाव घेतली. परंतु, त्या तिघांना वाचवण्यात यश आले नाही. त्यांना तातडीने प्राथमिक आरोग्य केंद्र ढाणकी येथे आणले असता, डॉक्टरांनी कावेरी, अवंतिका आणि चेतन यांना मृत घोषित केले.
चेतनच्या दुर्दैवी मृत्यूने सावळेश्वर गावात शोककळा पसरली आहे. चेतनच्या वडिलांचा काही दिवसांपूर्वी साप चावल्याने मृत्यू झाला होता. आज चेतनच्या मृत्यूने त्यांची आई कविता पूर्णतः एकाकी पडली आहे.
गावकऱ्यांनी शासनाकडे तिच्या मदतीची मागणी केली आहे. चेतनच्या बलिदानाने गावकऱ्यांच्या मनात दुःखाचा डोंगर उभा राहिला आहे. चेतनने आपल्या प्राणांची आहुती देऊन धाडसाचे उदाहरण दाखवले आहे. त्याच्या कुटुंबाला योग्य ती मदत मिळावी, अशी गावकऱ्यांची विनंती आहे.
